Nigeriyada səkkiz ayda 1 000-dən çox məktəbli oğurlanıb

Cari ilin yanvar-avqust ayları ərzində Nigeriyada 1 000-dən çox məktəbli oğurlanıb.

Bu barədə uşaqların hüquqlarının müdafiəsi ilə məşğul olan beynəlxalq “Save the Children” təşkilatının məruzəsində bildirilib. Qeyd edilir ki, oğurlanan məktəblilərin əksəriyyəti hələ tapılmayıb.

Hüquq müdafiəçiləri bildiriblər ki, 2020-2021 illərdə Nigeriyada məktəblərə hücumların sayı əhəmiyyətli dərəcədə artıb, bir çox təhsil müəssisələrini bağlamaq lazım gəlib, ölkənin təhsil sistemi "ekstremal risk"lə üzləşib.

Nigeriyanın “Save the Children” təşkilatının direktoru Mersi Qiçuxi də həmçinin məktəblərə hücumla bağlı narahatlığını ifadə edib.

"Təhsil sisteminin obyektlərinə hücumları bütöv nəsilə hücum kimi qiymətləndirmək olar", - təşkilatın nümayəndəsi hesab edir.

O, vurğulayıb ki, uşaqlar və qadınlar belə hücumlar zamanı acizdir.

Nigeriyada uşaqlar məktəblərə hücumlara görə təhsildən imtina etməyə məcbur olublar.

Son aylar məktəblilərin oğurluğu Benue, Kaduna, Plato, Katsina və Zamfara ştatlarında baş verib.

Bir çox məktəblər və universitetlər hücumlara görə tədrisi dayandırmağa məcbur olub.

Comment